CHOMSKY VS COMRIE

1. En que consisten os universais da linguaxe para a Gramática Xenerativa? Cal é a súa relación co innatismo?
2. En que consisten os universais das linguas para a Tipoloxía lingüística? Cal é a súa relación coas posturas interaccionistas ou cognitivistas?
3. Pode haber un punto intermedio entre estas dúas visións?
4. Proxeccións do tema dos universais ou, dito doutro xeito, para que valen e que perspectivas abren ao estudo das linguas?

Intenta reflexionar sobre estas preguntas

REFLEXIÓN SOBRE O XÉNERO

Na última sesión abordamos o xénero desde a perspectiva de Lyons / Eco, como un universal tipolóxico das linguas e na versión de sexismo na linguaxe, a través de Spender. Nun caso o xénero é un marcador baleiro de significado, que se usa con fins gramaticais ou pragmáticos e aparece, con distintas manifestacións, na maioría das linguas. No segundo caso o xénero ten unhas significacións semánticas e connotativas, de maneira que o sexismo na linguaxe pode (e debe) ser depurado, mesmo facendo intervencións sobre as categorías históricas da gramática. Podes participar neste debate explorando calquera destas túas opcións.